“Түмэн айл көүл" ХХК-ийн Салбар төмөр замын ачилт, буулгалтын терминал, гаалийн хяналтын бүс 2025 оны 04-р сарын 06-ны өдөр эхний цуваа ачааг илгээж байсан бол 2026 оны 05-р сарын 06-ны өдөр 3,000,000 дахь тонн ачааг амжилттай шилжүүлэн тээвэрлэлээ.

Зам тээврийн яамаас томилсон ажлын хэсэг 2025 оны 3-р сарын 19-20-ны өдрүүдэд “Монголын төмөр зам” ТӨХК-ийн Зүүнбаян – Тавантолгойн төмөр зам дахь Борхошуу зөрлөгт ажиллав. Ажлын хэсэг тус зөрлөгөөс салаалж шинээр барьсан 3798,76 метр дэлгэмэл урт бухий салбар төмөр замыг дохиолол төвлөрүүлэлтийн өргөтгөл, өөрчлөлт, ачилт буулгалтын талбай, өндөрлөсөн тавцан, вагон пүү, гэрэлтүүлэгийн барилгын ажлыг газар дээр нь шалгаж, Зам, тээврийн хөгжлийн сайдын 2020 оны А/154 дүгээр тушаалаар баталсан “Төмөр замын техник ашиглалтын журам”, MNS 5833:2010 “Төмөр замд барилга байгууламжийн ойртолтын болон хөдлөх бүрэлдэхүүний овор хэмжээ”, MNS 6229:2021 “1520 мм царигтай төмөр зам” зэрэг стандартын шаардлага хангасныг баталгаажуулж, байнгын ашиглалтад оруулах боломжтой гэж дүгнэлээ.

Түмэн айл көүл компанийн Дорноговь аймгийн Мандах суманд хэрэгжүүлж буй “Монголын төмөр зам” ТӨХК-ийн "Бор хошуу зөрлөг дэхь ачилт, буулгалтын терминал, гаалийн хяналтын бүс" төсөл амжилттай дууслаа. Таван толгой-Зүүн баян чиглэлийн 416.1 км төмөр замд холбогдсон хамгийн анхны салбар төмөр зам болсон бөгөөд туршилтын тээвэрлэлтийг амжилттай гүйцэтгэв.