Терминал нь Зүүнбаян–Цогтцэций өртөөд хоорондын төмөр замын сүлжээний Борхошуу зөрлөгөөс салбарласан тусгай хэрэглээний шугам дээр байрладаг. Энэхүү байршил нь уурхайн бүсээс гарсан нүүрсийг хамгийн ойр цэгээс төмөр замд шилжүүлэн ачих давуу талтай бөгөөд экспортын тээврийг тогтвортой, найдвартай, тасралтгүй хийх боломжийг бүрдүүлдэг. 

• Терминалын ашиглалтад байгаа салбар төмөр замын нийт урт 3.7 км бөгөөд буулгалт–ачилтын үйл явцыг богино хугацаанд өндөр үр ашигтай гүйцэтгэх боломжийг олгодог инженерийн шийдэлтэй. 
• Жилдээ 5–10 сая тонн нүүрс тээвэрлэх хүчин чадалтай. Терминалын зохион байгуулалтын шийдлүүд нь ирээдүйд хүчин чадлыг нэмэгдүүлэх бүрэн боломжтойгоор төлөвлөгдсөн. 
• Тус терминалд анхны албан ачилтыг 2025 оны 04 сарын 04-нд амжилттай хийж, экспортын тээврийг 100% төмөр замаар гүйцэтгэх шинэ үеийг эхлүүлсэн. 
• Нийт 750×50 метрийн хэмжээтэй хоёр задгай талбайтай. Эдгээр талбай нь ачилтаас өмнөх түр хадгалалт, техникийн зогсоолыг багтаах боломжтойгоор төлөвлөгдсөн бөгөөд өндөр даацын тоног төхөөрөмжөөр бүрэн тоноглогдсон.