Түмэн Айл Көүл ХХК нь уул уурхайн салбарт ажилтанд ээлтэй, аюулгүй, тогтвортой ажлын орчинг бүрдүүлэхийг эрхэм зорилгоо болгон ажилладаг. Бид чадварлаг, хариуцлагатай, мэргэжлийн багийг бүрдүүлж, хамтдаа өсөж хөгжих үнэт зарчмыг баримталдаг.

Бид ажилтнаа байгууллагын хамгийн үнэт нөөц гэж үзэж, тэдний эрүүл мэнд, аюулгүй байдал, ажлын тав тух, мэргэжлийн хөгжил болон тогтвортой хөдөлмөр эрхлэлтийг хангахыг хүний нөөцийн бодлогын суурь чиглэл болгодог.

Манай хамт олон дараах нийтлэг үнэ цэнэд тулгуурлан ажилладаг:

• Багаар ажиллах чадвар
• Өөриймсөг хандлага
• Хариуцлага
• Санаачилга, тасралтгүй суралцах хүсэл
• Эерэг хандлага, харилцан хүндлэл

Ажилтны сайн сайхан байдлыг дэмжих хөтөлбөрүүд

• Эрүүл мэнд, биеийн тамир, чөлөөт цагийг дэмжих зорилгоор спортын заал, сагсны талбай, амралтын байрны нөхцөлийг бүрдүүлсэн.
• Ажилтнуудын амьдралын чухал мөчүүдэд санхүүгийн дэмжлэг үзүүлдэг. Үүнд:
   байр болон хашаа худалдан авах, хурим хийх, гэрлэлт бүртгүүлэх, амаржих зэрэг үед олгох нэг удаагийн тусламж багтана.
• Аюулгүй, тав тухтай ажлын орчныг бүрдүүлэхдээ хөдөлмөр хамгааллын хувцас, хэрэгслийг бүрэн хангахын зэрэгцээ эрүүл мэндийн үзлэг, оношлогоо, бариа засал болон гэнэтийн ослын даатгалын үйлчилгээг үзүүлдэг.
• Жил бүр ажилтнуудыг гадаадад аялалд хамруулж, шинэ туршлага, хөгжил, амралтыг хослуулсан оролцоог хангадаг.

Эдгээр бодлого нь ажилтнуудын сэтгэл ханамж, бүтээмжийг нэмэгдүүлж, байгууллагын урт хугацааны тогтвортой хөгжлийн суурийг бүрдүүлдэг.